Sosialpedagogisk rettleiar

Me søkjer etter vikar med moglegheit for fast i 50% som sosialpedagogisk rettleiar.
Det kan vera moglegheit for å utvida stillinga til 100% med undervisning i fagområde me har brukt for i skulen eller koordinerande arbeid i kommunen.

Bokn skule er ein 1.-10. skule med 88 elevar. 

Bokn kommune har som mål å skapa eit trygt og inkluderande samfunn, som er med på å bygge opp robuste samfunnsborgarar, slik at det er kjekt å koma attende til Bokn.

Alle barn fortener ein god start. Barn og unge skal oppleva å læra, leika, utvikla seg og å meistra. Trygge rammer er viktige; trygge barn som trivs, lærer betre. I Bokn kommune skal me ha barnehage og skule som gjev høve til god utvikling for alle barn og unge - uavhengig av sosial, kulturell og språkleg bakgrunn, kjønn, kognitive og fysiske skilnadar.
Dei må ha vaksne rundt seg som gjev støtte og omsorg, anten dei må ha hjelp til å finna seg ein ven, delta i leik eller læra seg å lesa, skriva og rekna og forstå samfunnet me lever i.

Arbeidsoppgåver

• rettleie elevar, tilsette og foreldre i arbeid med å skape eit godt læringsmiljø for alle.
• samarbeide med andre tilsette på skulen i arbeidet med eit trygt og godt skulemiljø.
• bidra inn i klassar og grupper for å styrke samhald, og robuste barn i høve til overordna del i læreplanen – arbeidet skal baserast på styrkebasert tankesett.
• vere tilstade og støtte elevar som har personlege, sosiale og emosjonelle utfordringar.
• vere ein del av skulen sitt innsatsteam for trygt og godt skulemiljø.
• delta på foreldremøte og dialogmøte ved behov
• samarbeide med PPT, miljøterapeut, helsesjukepleiar og andre eksterne samarbeidspartar, deltaking i tverrfaglege team og utvikling av betre tverrfagleg innsats.

Kompetanse

• relevant, godkjent minst 3-årig utdanning frå høgskule- og/eller universitetsnivå
• utdanning innan spesialpedagogikk eller sosialpedagogisk
• erfaring frå arbeid med ungdom
• god forståing og erfaring med systemarbeid
• ein fordel med noko undervisningserfaring
• erfaring med arbeid med barn som har sosioemosjonelle utfordringar
• gode IKT-kunnskapar

Personlege eigenskapar

• positivt elevsyn og evne til å ivareta og inkludere
• kunne arbeide med styrkebaserte metodar
• kunne vere ein tydeleg vaksen, vere raus og omsorgsfull
• kunne identifisere og analysere utfordringar og setje i gong høvelege tiltak
• like å samarbeide med andre og skape gode relasjonar

Personleg eignaheit vil bli vektlagt

Me tilbyr

• eit engasjert og godt praksisfelleskap
• eit godt elevmiljø
• kunne delta i og skapa spennande prosjekt saman med tilsette, elevar og foreldre
• eit raust og sosialt arbeidsmiljø
• gode pensjonsvilkår for tilsette
• lønns- og arbeidsvilkår fastsett i lov og avtaleverk